ക്രിക്കറ്റ് യുദ്ധവും, ഫുട്ബോള് യുദ്ധവും നാലു കൊല്ലം കൂടുമ്പൊള് പതിവായ് എത്താറുണ്ട് അത് കളികമ്പക്കാരെ ആവേശം കൊള്ളിക്കലുമുണ്ട് എന്നാല്, പക്ഷേ രണ്ടാം ലോക മഹായുദ്ധം കഴിഞ്ഞിട്ടു 65 കൊല്ലത്തിലേറയായി, പിന്നീടൊന്നിനുള്ള സാദ്ധ്യധ പലപ്പോഴും ഉണ്ടായിട്ടുണ്ടെങ്കിലും യുദ്ധക്കമ്പക്കരുടെ പൂതി മനസ്സില് തന്നെയിരിന്നു. അമേരിക്കക്കു ലോകത്തെ വരുതിയില് വരുത്താന് യുദ്ധമെന്ന രീതിയില് ഒന്നും ചെയ്യേണ്ടിയും വന്നിട്ടില്ല. ബിന് ലാദന്റെ തീപ്പെടലോടെ, അത്തരത്തിലുള്ള എല്ലാ ആശയും അവസാനിപ്പിക്കകയും, തങ്ങളുടെ കാലഘട്ടത്തില് ഇനി ഒരു ലോകമഹായുദ്ധം ഉണ്ടാകില്ല്ലാ എന്ന ഉറച്ചുകൊണ്ടു അഫ്ഗാനിലെ യുദ്ധവെറിയും പാക്കിസ്താനിലെ വെടികെട്ടും കണ്ടു ആശ്വസിക്കുകയാണ് ഈ നൂറ്റാണ്ടിലെ യുദ്ധക്കമ്പക്കാര്. അങ്ങനെയിരിക്കെയാണ് ഒബാമ പൊടുന്നനെ ഒരു സൈനിക ചര്ച്ച വിളിച്ചുകൂട്ടുന്നതും, മൂന്നാം ലോകമഹായുദ്ധത്തിനു പുറപ്പെടാന് സൈന്യത്തോടു ആഹ്വാനം ചെയ്തതും. ചര്ച്ചകള് അതീവ രഹ്സ്യമായിരിക്കണം കാരണം ശത്രുക്കള് അതിഭയങ്കരന്മാരാണ് മൂപ്പര് ചട്ടം കെട്ടി. എന്നാല് ശത്രുവാരെന്നറിഞ്ഞപ്പോള് ശക്തരും തന്ത്രശാലികളും സൊഫസ്റ്റികേറ്റഡുമായ യു.എസ് സൈന്ന്യം ശരിക്കും വിറച്ചു പോയി കേരളം! പട്ടാപകല് ആരെയും നിഷ്കരണം വെട്ടികൊല്ലുന്നവര്, പ്രായോ, ബന്ധോ നോക്കാതെ പെണ്ണായി പിറന്നവരെ ലൈംഗിക പീഡനത്തിനിരയാക്കുന്നവര്, ചെല്ലപ്പേരിട്ടു വിറപ്പിച്ചു നടക്കുന്ന ഗുണ്ടകള് അവരേക്കാള് പേടി സ്വപ്നമായ പോലീസുകാര് ഇതിലെല്ല്ലാം ഉപരി ഇപറഞ്ഞ എല്ലാ തെണ്ടിതരത്തിലും ഉള്പ്പെടുന്ന പലനിറത്തിലുള്ള രാഷ്ട്രീയക്കാര്. കേരളമെന്നുകേട്ടപ്പോള് ഒബാമയുടെ സൈന്ന്യമാദ്യം സോറി പറഞ്ഞുവെന്നാണ് രഹസ്യ വിവരം.
പദ്മനാഭ സ്വാമി ക്ഷേത്രത്തിലെ വന് നിധി ശേഖരം പിടിച്ചെടുക്കനാണത്രേ കേരളത്തിലേക്കു ഒബാമ പടയൊരുക്കും നടത്തുന്നത്. നൂറ്റാണ്ടുകളോളം ഭരിച്ചിട്ടും തങ്ങളില് നിന്നും ഒളിപ്പിച്ച നിധി പിടിച്ചെടുക്കാന് ബ്രിട്ടനും കക്ഷിചേര്ന്നിട്ടുണ്ടെന്നാണ് കേള്വി.
പദ്മനാഭ സ്വാമി ക്ഷേത്രത്തിലെ നിധിയുടെ വിവരങ്ങള് പുറത്തുവന്ന ശേഷം ഒരാഴ്ച കഴിഞ്ഞാണ് ഒബാമ സംഭവം അറിയുന്നത്, പി.ശശീനെ പാര്ട്ടീന്നു പുറത്താക്കിയ വാര്ത്ത കാണാനാണ് ഒബാമയും തന്റെ കുടുംബത്തിനോടു സാമ്യമുള്ള വാര്ത്ത കാണാന് ഹിലരി ക്ലിന്റനും മലയാളം ചാനല് വെച്ചത് അതങ്ങനെ രസിച്ചുകൊണ്ടു കണ്ടിരിക്കുമ്പോഴാണ് സ്ക്രോള് ചെയ്തു പോകുന്ന ഫ്ലാഷ് ന്യൂസുകണ്ടത്, 'പദ്മനാഭ സ്വാമി ക്ഷേത്രത്തിലെ നിലവറകളിലെ നിധിയുടെ മൂല്യം 75000 കോടി കവിഞ്ഞുവെന്നും ഇനിയും അറകള് തുറക്കാന് ഉണ്ടെന്നും'. ആ വാര്ത്ത ഒബാമക്കു സഹിക്കാന് കഴിയുന്നതിനുമപ്രത്തായിരുന്നു, എങ്ങനേയും എല്ലാം കൊള്ളയടിക്കണം അതിനു മൂന്നാം ലോകമഹായുദ്ധം അനിവാര്യമാണ്. ആങ്ങനെയാണു മൂപ്പര് ശിങ്കിടികളേയും കൂട്ടി കേരളത്തിലേക്കു പടനയിക്കാന് തീരുമാനിച്ചത്.
ഇതേ സമയം കേരളത്തില് ഒബാമയെ നേരിടാന് മുഖ്യമന്ത്രി എസ്.എഫ്.ഐ, ഡി.വൈ.എഫ്.ഐ സമരം അടിച്ചമര്ത്തിയ പോലീസുകാരെ നിയോഗിച്ചു. ഇന്ത്യയില് ഇന്നു ലഭിക്കാവുന്ന ഏറ്റവും നല്ല പ്രതിരോധ ശക്തിയായി അവര് മാറിയിട്ടുണ്ടെന്ന മുഖ്യന്റെ വീരവാധം, മുഖ്യന്റെ 24*7 ലൈവ് വെബ് സൈറ്റിലൂ കണ്ട ഒബാമ ചെറുതായൊന്നു ഭയന്നു. മുഖ്യന്റെ നിലപാടില് അഴിമതിയാരോപിച്ച പ്രതിപക്ഷം പിറ്റേ ദിവസം 12 മണിക്കൂര് ഹര്ത്താല് നടത്തി. എന്തായാലും നിധി ഒബാമ കൊണ്ടുപോകും എന്നു വിചാരിച്ച രാജ കുടുംബം നിധിയൂടെ മൂല്യം പുറത്തുവിടരുതെന്നും അതറിഞ്ഞാല് തങ്ങള്ക്കു കുടുംബത്തോടെ ഹര്ട്ട് അറ്റാക്കു വരുമെന്നും പറഞ്ഞു സുപ്രീം കോടതിയില് ഹര്ജിക്കുപോയി.
പണി തീരാത്ത വിഴിഞ്ഞം തുറമുഖം വഴി ആക്രമിക്കാം എന്നു തീരുമാനിച്ച ഒബമ യാത്ര പുറപെട്ടു, വിഴിഞ്ഞത്തിന്റെ 10 കിലോമീറ്റര് അടുത്തെത്തിയപ്പോള് ഖോര ഖോരമായ ശബ്ദം കേട്ടു ഒബാമയും കൂട്ടരും നടുങ്ങി, അതിന്റെ കാഠിന്യം കൂടിവന്നപ്പോള് ഒബാമയും കൂട്ടരും നിധി വേണ്ട ജീവന് മതിയെന്നു പറഞ്ഞു തിരിച്ചു പാഞ്ഞു പോയി.
മലയാളത്തിന്റെ തത്ത്വം പറയുന്ന, പ്രാസംഗികനായ, സാംസ്കാരികനായകന്റെ (സ്വയം ചൊറി രോഗമുണ്ടെങ്കിലും മറ്റുള്ളോരെ ചൊറിയുന്ന കാരുണ ഹൃദയന്) ലളിതമായ ഒരു പ്രസംഗമായിരുന്നു നിധിയെ ഒബാമയുടെ സൈന്യത്തില് നിന്നു രക്ഷപെടുത്തിയത്, മൂപ്പരുടെ പ്രസംഗം മൂന്നാം ലോകമഹായുദ്ധത്തിന്റെ അന്ത്യത്തിനു കാരണമായി,......... സമ്മതികണം മൂപ്പരുടെ പ്രസംഗം ദിവസോം കേള്ക്കുന്ന മലയാളികളെ.
1 comment:
:-)
Post a Comment